Sei que algúns e algunhas de vós estades impacientes por coñecer que pasou coas vosas revistas: se me gustaron, se non, cal foi a que máis me gustou...
Antes de nada quero darvos as grazas por ter traballado e decorado a vosa revista, quedaron chulísimas!!!!
Aos que non o fixéstedes animarvos a facelo este, que aínda estades a tempo, e os anos vindeiros.
É moi importante que se entenda a revista como un agasallo que facemos entre tod@s e para tod@s. Cadaquen aporta aquelo que se lle dá mellor, o que sabe facer ou o que está aprendendo a facer, o que lle gusta... Así Seitura convértese nunha caixiña que agocha historias, vivencias en común, creatividade, emocións... que se conservarán no papel, ademáis de no noso corazón. Pero non debe de ser un obxecto de decoración, unha morea de papeis que arrebolades nunha esquina ao chegar á casa, e alí queda. Lédea, coloreádea, gastádea, ensinádella á familia, oas amigos...
Só deste xeito terá sentido invertir tanto tempo e tantos cartos.
GRAZAS,
A Reboliña
