O vello Apalpador, ou Pandegueiro como se lle chama en partes do oriente ourensán, é unha figura lendaria galega que achega os agasallos aos nenos polas datas de nadal. Este xigante, de oficio carboeiro, baixaba das devesas e apalpaba as barriguiñas dos cativos. Se estaban cheas dicía: «así, así esteas todo o ano» e deixáballes unha presa de castañas. Senón calaba, pero deixáballes tamén as castañas.
Esta é a letra dunha canción que se cantaba para adurmiñar aos nenos:
Vaite logo, meu meniño (miña meniña)
marcha agora para a camiña
Que vai vir o Apalpador
a apalparche a barriguiña
marcha agora para a camiña
Que vai vir o Apalpador
a apalparche a barriguiña
Xa chegou o día grande
día do noso Señor.
Xa chegou o día grande
e virá o Apalpador.
día do noso Señor.
Xa chegou o día grande
e virá o Apalpador.
Mañá é dia de cachela,
que haberá gran nevarada
e há vir o Apalpador
cunha mega de castañas.
que haberá gran nevarada
e há vir o Apalpador
cunha mega de castañas.
Por aquela cemba
xa ven relumbrando
o señor Apalpador
para darvos o aguinaldo.
xa ven relumbrando
o señor Apalpador
para darvos o aguinaldo.
 |
Se queres saber máis, visita a páxina do Apalpador
5 comentarios:
Jejeje, que bonito o conto! aínda me lembro de Brais facendo de apalpador o ano pasado! creo que o interpretara bastante ben, non?
Gustoume moito o libro
Pois que veña o apalpador a este ceip Cerdeiriñas e nos traia moitas cousiñas antes do Nadal...
e moi forte
Ola, encántame ver que @s nen@s de toda Galicia coñecen a miña tradición e participan dela activamente.
Aínda que para a escola pode que chegue algo tarde, aquí tedes esta divertida canción con baile incluido que fixen para este nadal:
http://youtu.be/JmAfI4ucKJc
Ademáis nesta web poderedes atopar material para o uso na aula
http://www.oapalpador.tk
Apertas dende O Caurel... tedes un blog xenial ;)
Boas festas!
Publicar un comentario